Lajme
Gjenevë: Ekspozitë personale nga R. C. Anaider
Konsullata e Përgjithshme e Republikës së Kosovës në Gjenevë organizon në ambientet e saj ekspozitën personale «Pëshpërima e paqes» të artistes R. C. Anaider nga data 27 nëntor – 8 dhjetor 2023. R. C. Anaider është një artiste abstrakte ekspresioniste, shkrimtare dhe poete, që jeton në Gjenevë të Zvicrës.
Ajo ka lindur në Shqipëri, ku zbuloi dhe filloi qysh në moshë të re rrugëtimin e saj si poete dhe më vonë si shkrimtare. Ajo është autore e vëllimit poetik «Nuk luaj me detin tim” dhe e romanit “Shpellat».
R.C. Anaider duke pasur si frymëzim kryesor dashurinë, shpalos talentin e saj si një artiste abstrakte, ku bie në sy koloriti tejet i larmishëm, simbolika e gdhendur prapa shtresave të trasha të bojës, të cilat përçojnë mesazhe të panumërta dhe pasqyrojnë botën e pasur të autores, duke na dhuruar me çdo vepër të saj një copëz nga universi i saj i pafund.
E shtyrë nga fuqia magjike e dashurisë, dritës dhe bukurisë, dhe duke dëgjuar intuitën dhe zemrën e saj, përmes veprave të saj artistike, Anaider krijon një lidhje të veçantë me të me ndërgjegjen dhe nënndërgjegjen e saj, me botën e saj të brendshme dhe të jashtme, duke synuar të përhapë energji pozitive, besim dhe lumturi.
R.C. Anaider ka pasur tashmë disa ekspozita në Zvicër dhe më gjerë, si dhe ka marrë pjesë në Panaire ndërkombëtare të artit, midis të cilave mund të veçohet Montreux International Art Gallery 2022 dhe Lausanne International Art Fair 2023.
Artistja, e cila ka pasur gjatë 2023 edhe dy ekspozita personale të suksesshme, përkatësisht në Gjenevë me titullin «Katarsis» dhe në Morges në Galerinë e arteve Linea me titullin «Gjurmët e dashurisë», tashmë vjen me ekspozitën e saj të tretë personale, të titulluar «Pëshpërima e paqes» që organizohet në ambientet e Konsullatës së Përgjithshme të Republikës së Kosovës në Gjenevë, nga data 27 nëntor – 8 dhjetor 2023.
C. Anaider do të takohet me artdashësit gjatë ekspozitës: e hënë, 27 nëntor & 4 dhjetor: 10:00 – 12:00, e enjte, 30 nëntor & 7 dhjetor: 14:00 – 16:00 e premte, 1 dhjetor & 8 dhjetor: 10:00 – 12:00
Ju ftojmë të vizitoni këtë ekspozitë, ku hyrja është e lirë për të gjithë të interesuarit, gjatë orarit të punës së Konsullatës. Adresa: Rue de Lausanne 63, Kati i 3-të, 1202 Gjenevë
Për më shumë info:
Info rreth ngjarjes
- Data e fillimit08 Dhjetor 2023
- Ora12:00
- LokacioniGjenevë
- Data e përfundimit23 Nëntor 2023 - 13:00
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas